Loita por un CONVENIO DE DEPORTES

dia 29 todos e todas a folga xeral!

2010-09-21T01:55:00.000-07:00

http://www.galizacig.com/avantar/novas/tags/folga-xeral-29-de-setembro

http://www.cigservizos.org/axenda/evento/28.06.2010/folga-xeral-contra-reforma-laboral

2010-09-01T04:27:00.000-07:00

O 29 de setembro todos/as á GREVE GERAL.

ASSINAMOS O 1º CONVÉNIO GALEGO DE DESPORTOS

2010-07-30T06:06:00.000-07:00

Por fim assinamos o 1º Convénio Galego de Desportos. Neste enlace podedes atopar o texto do convénio. E neste outro a acta de sinatura do convénio co CGRL.
Neste enlace aparece o DOG 181 do 2o de setembro de 2010, no que se publicou o 1º Convénio de instalacións desportivas de Galiza.

Artigo solidário co despedido

2010-04-19T08:42:00.000-07:00

Solidário artigo do escritor Bieito Iglesias em El Correo Gallego.

O NADADOR
"O sarau do sábado, no Bernabeu, foi emotivo desde ... e a loita de clases persiste"

Ler o artigo em: www.xadesolidariedade.blogspot.com

CARTA AOS COMPANHEIR@S

2010-04-13T10:19:00.000-07:00

CARTA AOS COMPANHEIR@S DE XADE
Como sabedes o luns 5 de Abril vinherom os jefes à piscina de Santa Isabel para despedir-me logo de 9 anos de trabalho e luita sindical na empresa. A excusa é do mais retorcido.
Para explicar este abuso e ver que podemos fazer solicitei ao comité de empresa nos tabuleiros e por mail a convocatória de umha assembleia...
Porque passa isto?
É sabido que muitos empresários nom gostam dos direitos laborais ... mais quando se exercitam ... (ler mais em www.xadesolidariedade.blogspot.com )

DESPEDIMENTO REPRESIVO EM SANTIAGO

2010-04-05T12:52:00.001-07:00

Na manhá do 5 de avril os directivos da empresa XADE, Santiago López Cuadrado e X. Antón Antelo Lema, se personarom na piscina de Santa Isabel para despedir ao socorrista que participou em todo o processo de greve ("folga") polo convénio de instalaçons desportivas. O motivo é tam peregrino como pedir diminuçom de jornada por estudos e trabalhar num restaurante, nada que perjudique á empresa. Máis parece que nom gostam dos trabalhadores que loitam polos seus direitos laborais.
Agora comezarám as mobilizaçons e agarda-se a solidariedade do maior número de gente.

TRAS DOUS ANOS DE LUITA: RESULTADOS

2010-03-10T10:02:00.000-08:00

Tras umha dura negociaçom de 7 horas no CGRL, e logo de 47 dias de greve ("folga") desde o ano 2008, conseguimos um acordo de convénio interessante que supera a precariedade na que estava este sector: de salários de 800 € passamos a praticamente os 1000 €/mes, reduce-se a jornada a 38 h, eliminam-se os horários irregulares para os contratos menores, cubre-se um 85% do salário em situaçom de baixa e todo isto mantendo as condiçons daquelas empresas nas que estavam melhor.

Este acordo tem que ser ratificado e assinado na vindeira 3ª-f. 16 de março mais se confirma que quando se luita se conseguem avanços, e que "quem nom se move nom nota as cadeias".

Mais informaçom em http://www.cigservizos.ogr/

COMEÇA A GREVE INDEFINIDA

2010-02-01T10:44:00.001-08:00

As assembleias de trabalhadores/as desportivos de Galiza declarárom greve ("folga") indefinida e rejeitárom o pre-acordo que oferecia a passada semana a patronal, tendo como principais obstáculos os seguintes:
- Pretendiam prolongar a vigência do actual convénio até 2013.
- Limitavam a reduçom de jornada a 38 h. semanais
- Limitavam a subida salarial a 999 € na categoria mail alta.
- Nom assumiam a situaçom dos trabalhadores/as que hoje tenhem melhor convénio, de jeito que paguem eles as melhoras que reclamam os seus companheiros/as e nom as empresas.
A resposta da patronal véu de imediato suspendendo a reuniom prevista para esta tarde no CGRL. Igualmente em diversas instalaçons estám pressionando aos trabalhadores que vam á greve e mesmo tenhem expulsado das instalaçons a usuários que os apoiam.

A PATRONAL ESTUDARÁ A PROPOSTA SINDICAL

2010-01-17T12:11:00.001-08:00

A patronal de desportos AXIDEGA comprometeu-se na última reunióm celebrada o 14 de janeiro no Conselho Galego de Relaçons Laborais a estudar a proposta sindical, a cambio os sindicatos retirarom a greve do dia 20 ainda que mantenhem a convocatória de greve indefinida a partir de fevreiro. a vindeira negociaçom será o 20-jan.

Este domingo 17 houvo diversas mobilizaçons por todo o país destacando umha marcha pola Corunha ou a concentraçom celebrada diante do concelho de Ferrol.

PROPOSTA SINDICAL

-Salário base: 1000 €/mes

-Jornada: limitar a distribuiçom irregular para contratos inferiores a 30 h.

-Jornada semanal: 39 h. no 2010, 38 h. no 2011, 37 h. no 2012.

-IT: 100 %

Sindicatos e trabalhadores/as acussam à patronal de desportos e á Xunta

2009-12-20T12:09:00.001-08:00

Esta fim de semana os paros e concentraçons volverom repetir-se por toda Galiza na demanda de um convénio digno para todo o sector de desportos. Desde CIG-Servizos se reclama à patronal que diante desta resposta laboral apresente umha proposta séria e assumível. Ao tempo criticou-se a atitude da FEGAMP polo desprezo que amosam tanto por trabalhadores/as como por ussuários.

As concentraçons destacarom nas cidades como Ferrol no estádio da Malata ou a "Casa da Auga" na Corunha. O secretário comarcal de CIG-Servizos adiantou que o luns levarám a prostesta aos edifícios administrativos da Corunha e o martes 22 diante da Secretaria Xeral para o deporte em Santiago, pois está desoindo um conflito que afecta a moitos/as desportistas e parece que á Junta só se preocupa quando se afecta ás categorias estrela do desporto e tanto lhes tem as competiçons de rapaces que adestram duramento todo o ano.

Continua a greve polo inmobilismo da patronal de Desportos

2009-12-14T10:05:00.000-08:00

Os sindicatos presentes na mesa de negociaçom do convénio galego de instalaçons desportivas (CIG, UGT e CC.OO) acusam à patronal de irresponsável ao nom ter-se movido praticamente nada das súas posturas, malia o éxito das tres jornadas de greve de novembro. Oferta agora uns salários inferiores aos do 2003, quando aínda estava vigente o anterior convénio: salario base de 700 euros que, sumadas ao 2´3% para 2010 e do 3´3% para o 2011, resultariam 800 euros dentro de dous anos.
Os trabalhadores e as trabalhadoras respostarám logicamente com um novo calendário de paros em dezembro e em janeiro que afectará a 100.000 usuários/as em todo o País e a umhas 150 instalaçons desportivas.
Mentres os trabalhadores destas instalaçons continuam as protestas em reivindicaçom de um convénio de ámbito galego a Junta de Galiza ignora estas mobilizaçons.

Mais informaçom em: http://www.galizacig.com/avantar/novas/11-12-2009/o-inmobilismo-da-patronal-de-deportes-vai-deixar-sen-servizo-a-mais-de-100000-usuar

ÉXITO NO 3º DIA DE FOLGA NAS INSTALACIONS DEPORTIVAS DE GALIZA

2009-12-01T15:38:00.000-08:00

A gran maioría dos centros afectados permaneceron pechados e o mércores avaliarase en asamblea a posibilidade de novas mobilizacións
Traballadores e traballadoras do sector volveron saír á rúa para reclamar un convenio galego digno para as instalacións deportivas no terceiro e último día de folga, que se perfila como un éxito absoluto, xa que practicamente a maioría dos centros afectados polos paros permaneceron pechados e nalgúns que estaban abertos foron os propios usuarios/as os que non apareceron. O vindeiro mércores haberá unha xuntanza de delegados/as en Compostela na que se avaliará a posibilidade de iniciar un novo calendario de mobilizacións, se a patronal continúa sen moverse das súas posicións.
Rocío Doce, da CIG-Servizos de Ferrol, desmentía rotundamente as informacións transmitidas dende a asociación empresarial a pasada fin de semana na que acusaban ás organizacións sindicais de mentir sobre as reivindicacións e aseguraban que a plataforma sindical reclama o 71% de suba salarial.
O día 2 de decembro haberá unha reunión en Compostela para ver de marcar outro calendario mobilizacións se non hai movementos por parte dos empresarios. Mobilizacións que case seguro coincidirán en fin de semana, polo que Galiza quedaría sen deportes.

Solidariedade dos usuarios/as
De igual xeito, dende a CIG-Servizos pediuse desculpas aos usuarios/as polos trastornos causados pola folga, pero tamén se recomendou que utilicen as follas de reclamacións dos centros e pidan que lle desconten das cotas á parte proporcional dos días que non puideron usar os centros.

Seguimento masivo durante a primeira xornada de folga nas instalacións deportivas en demanda dun convenio digno

2009-11-26T08:57:00.000-08:00

Centros pechados e traballadores/as en folga foi o que se atoparon este xoves os usuarios e usuarias das instalacións deportivas de todo o País, no primeiro dos tres días de paro convocado por CIG, CCOO e UGT no sector en demanda dun convenio digno que recolla melloras salariais e sociais.
Dende as sete da mañá, os piquetes informativos foron percorrendo cada unha das principais instalacións afectadas polo paro informando aos usuarios e usuarias dos motivos da folga e solicitando a súa colaboración non utilizando os centros que aínda permanecían abertos, durante este xoves. En moitos edificios, especialmente no caso das piscinas, o persoal das instalacións advertira no día anterior do peche das instalacións colocando carteis informativos.
Concentracións en varias cidades
Dende a CIG-Servizos valorouse moi positivamente a resposta dada polos traballadores e traballadoras do sector, cuxo seguimento superou o 90%, e agradeceron a comprensión amosada polos usuarios/as. En casos como o de Ferrolterra a parálise no sector chegou até o 99%, na provincia de Pontevedra e A Coruña o paro foi secundado polo 95% do persoal, producíndose o peche de practicamente todas as instalacións, mentres que en Monforte, Ribadeo, Foz e Viveiro as piscinas tamén permaneceron pechadas.
Así mesmo, para dar maior visibilidade ao conflito, os traballadores e traballadoras levaron a cabo varias concentracións en distintas cidades, ás que, ademais das faixas, os bombos e os chifres, engadiron algún elemento tan característico dos seus centros de traballo como as pelotas de fútbol.

(mais informaçom em http://www.galizacig.com/avantar/taxonomy/term/14)

FOLGA o 26, 28 e 30 de Novembro nas instalaçons desportivas de Galiza

2009-11-17T10:40:00.000-08:00

Arredor de 2.500 trabalhadores/as de mais de 150 piscinas, instalaçons e clubes desportivos de Galiza estám chamados á greve ("folga") em demanda da negociaçom do convénio colectivo. A greve afectará a mais de 100.000 usuários de mais de 100 concelhos galegos e mesmo a todas as competiçons desportivas, desde alevíns até profissionais de todo tipo de desportos, segundo informárom em rolda de prensa os convocantes, as federaçons de Serviços da CIG, CCOO e UGT.
Reivindicam-se quatro aspectos fundamentais: o estabelecimento de um convénio que cubra a todo o sector; a modificaçom das condiçons das Incapacidades Temporais, a jornada laboral (para que se ajuste a jornada real á jornada reflectida nos contratos) e a tábua salarial. Com estas demandas pretendemos superar a precaridade laboral que caracteriza o sector trás três anos de mobilizaçons.

ASSEMBLEIA NACIONAL EM COMPOSTELA

2009-11-06T10:24:00.000-08:00

A vindeira 4ª-f. (mércores) 11 de novembro realizaremos umha assembleia do todo o sector de desportos de Galiza para acordar medidas frente á ridícula resposta da patronal a semana passada. Será em Sam Lázaro ás 11 h. nos locais da ugt.

ASSEMBLEIA DECISIVA e canha!

2009-10-26T12:30:00.000-07:00

Como sabedes, levamos varios meses negociando o convenio colectivo Galego de deportes.
Despois de varias xuntanzas, na derradeira do dia 22 de outubro, a parte empresarial presentounos unha oferta que foi contestada por nos cunha contraoferta.
Ao non existir acordo entre as partes, as tres Centrais Sindicais ( CIG, CCOO, E UXT ) decidimos convocarvos a unha Asemblea Xeral de Traballadores de todo o sector de deportes a nivel Galego, donde a vosa participación e imprescindible para valorar a oferta presentada pola patroal e decidir os pasos a dar nas vindeiras xuntanzas.
As datas e lugares das asembleas son:
Dia 31 de outubro ( sábado ) as 16 30 h no edifizo de sindicatos. C/ Pasantería 1 baixo (Pontevedra)
Dia 2 de novembro (luns) as 23 30 h no salón de actos do edifizo de sindicatos. Avd Alfonso Molina s/n. (A Coruña)
Asemesmo os animamos a participar activamente nesta asemblea porque estamos na fase decisiva para conquerir dunha vez por todas un convenio digno para o noso sector.
Un saúdo e ánimo para todos.

Acta 4 da negociación do Convenio

2009-10-19T09:17:00.000-07:00

Acta 3: 28 de xullo de 2009

2009-08-25T04:30:00.000-07:00

Acta da terceira xuntanza da mesa negociadora do Convenio, realizada o 28 de xullo.

acta_28_de_xullo_de_2009_pdf_10672

Acta 2: Reunión do 16 de xullo de 2009

2009-08-25T04:26:00.000-07:00

Acta da segunda xuntanza da mesa negociadora, realizada o 16 de xullo.

http://www.cigservizos.org/sites/default/files/nova_convenio/2009/07/acta_16_xullo_2009_pdf_17230.pdf

Constitución da mesa negociadora

2009-08-25T04:22:00.000-07:00

O 30 de xuño ficou constituída a mesa negociadora do primeiro convenio galego de instalacións deportivas.
http://www.cigservizos.org/sites/default/files/nova_convenio/2009/06/instalacions_deportivas_galiza_pdf_48440.pdf

POLO CONVÉNIO GALEGO

2009-05-17T10:24:00.000-07:00

A patronal corunhesa de deportes solicitou este 12 de maio debater um convénio de ámbito galego. O presidente do Conselho Galego de Relaçons Laborais citou aos empresários e sindicatos o vindeiro 19 de maio para debater este asunto na sede do CGRL.

GAÑAMOS A PRIMEIRA ELIMINATORIA!

2009-02-25T10:52:00.000-08:00

Compañeiros e compañeiras, grazas á folga e a unión obreira obrigamos á patronal a sentarse a negociar. O día 4 de marzo inícianse as conversas para conseguir un convenio digno.
Aquí deixámosvo-la ligazón para ve-la acta do preacordo que se asinou hoxe:

Acta do preacordo

Seguiremos informando...

CONVENIO OU FOLGA VENCEREMOS!

2009-02-20T10:19:00.001-08:00

ABUSOS E ILEGALIDADES DAS EMPRESAS DURANTE A FOLGA DO SECTOR DE DEPORTES

2009-02-20T10:19:00.000-08:00

ABUSOS E ILEGALIDADES DAS EMPRESAS DURANTE A FOLGA DO SECTOR DE DEPORTES

A CIG-SERVIZOS, quere comunicar o seguinte:

Despois da grande participación dos dous dias de paros no sector de Deportes, a pesar dos intentos por parte da patronal e dalgún concello de impedir de maneira ilegal unha folga debidamente e comunicada e autorizada. En varios centros (A Solana, instalacións deportivas de San Diego…) obrigaron a traballar como socorristas a persoal non cualificado; no Concello de Arteixo impuxeron servizos mínimos desproporcionados e fóra de prazo. Todas estas situacións de ilegais intentando impedi-lo dereito á folga dos traballadores foron denunciados diante das autoridades pertinentes.

Os traballadores reclaman da patronal de Instalacións deportivas que se sente a negociar un Convenio de Deportes onde se inclúan os clubes privados. Os empresarios levan varios meses poñendo escusas e dando promesas falsas para evita-la mobilización dos traballadores, pero o único que están dispostos a negociar é un convenio de Instalacións Deportivas municipais e da Xunta xestionadas por empresas privadas e non o de todo o sector. Desde a CIG, non estamos dispostos a tolerar esta grave discriminación.
A folga continuará os dias 26 e 27 de febreiro, así como os dias 9,17 e 25 de marzo e 1,8,16 e 24 de abril.

Agradecemos aos usuarios a súa comprensión polas molestias causadas.

TODOS E TODAS A FOLGA!!!

2009-02-05T10:16:00.000-08:00

O dia 4 de febreiro na asemblea de traballadores e traballadoras acordouse ir a FOLGA OS DIAS 26 E 27 de FEBREIRO, 9,17 e 25 de MARZO, 1, 8, 16 e 24 de ABRIL; asi como realizar duas xornadas de PARO os dias 17 E 19 de FEBREIRO co seguinte horario:
de 10h a 12h e de 19h a 21h os dous dias.

COMPAÑEIROS E COMPAÑEIRAS CHEGOU A HORA DE DALO TODO PARA CONQUERIR DUNHA VEZ UN CONVENIO XUSTO!

CONVENIO OU FOLGA, VENCEREMOS!

RETOMAN-SE AS NEGOCIACIÓNS

2008-10-24T08:02:00.001-07:00

O pasado 1 de outubro retomaron-se as negociacións por um novo convénio de deportes. A reunión foi na inspección de trabalho da Coruña e os empresários volveron a adiar a solución ao conflito. Manteremos-vos informados.

2008-03-12T03:56:00.000-07:00

SUSPÉNDESE A 2ª XORNADA DE FOLGA

2008-03-08T02:10:00.000-08:00

O persoal das instalacións deportivas decidiu en asemblea suspender a xornada de folga programada para o 8 de marzo.
A asemblea de traballadores/as deportivos decidiu na noite do venres suspender a segunda xornada de folga tras a mediación do Consello Galego de Relacións Laborais. Nunha reunión cos empresarios do sector no CGRL estos aceptaron constituírense como asociación patronal, requisito indispensábel para poder negociar o convenio colectivo coa parte social.
O Consello asumiu, na mediación realizada na mañá do 7 de marzo, o compromiso de convocar no prazo dun mes a asociación patronal legalmente constituída para conformar a mesa de negociación do convenio do sector.
Por tanto, os traballadores/as, reunidos en asemblea, decidiron por inmensa maioría desconvocar o paro do 8 de marzo. Porén, advirten que permanecerán vixiantes para que se cumpran os compromisos, pois o conflito non fixo máis que comezar.

ASEMBLEA EXTRAORDINÁRIA

2008-03-07T16:09:00.000-08:00

Hoxe venres 7 às 23 h. se celebrará unha asemblea extraordinária no local de sindicatos da Coruña para valorar a xuntanza realizada no Consello Galego de Relacións Laborais coa patronal e decidir novas accións.

Pechán piscinas, pavillóns, campos de golf ou de fútbol

2008-03-06T01:55:00.000-08:00

A primeira xornada de folga do persoal das instalacións deportivas da provincia de A Coruña, que se desenvolveu o 5 de marzo, foi todo un éxito. Ese mesmo día houbo unha concentración diante da Confederación de Empresarios de A Coruña.
Os traballadores conseguiron nesta primeira xornada de folga que non abrisen ao público piscinas, pavillóns, campos de golf ou de fútbol de toda a provincia. O paro foi total na cidade de A Coruña, onde a actividade se paralizou por completo en instalacións tan importantes como a Cidade Deportiva da Torre, a Casa da Auga ou o Clube do Mar.
O 90% das instalacións afectadas pola folga son de titularidade pública. Os traballadores decidiron apoiar as dúas xornadas de paros, a do 5 e a do 8 de marzo, para forzar os empresarios a que se constitúan como asociación patronal para poder negociar o convenio colectivo provincial. Actualmente, aos empregados do sector da provincia, por volta de 500, aplícanlles múltiples convenios, o que provoca que se perpetúe a precariedade e que existan importantes diferenzas salariais entre traballadores que desempeñan a mesma función.

ASEMBLEA NA CORUÑA

2008-03-03T16:50:00.000-08:00

Nunha numerosa asemblea á que asistiron máis de 300 traballadores procedentes de intalacións deportivas de Santiago, Coruña, Ferrol e diversas localidades ratificouse a convocatoria de dúas xornadas de folga os vindeiros 5 e 8 de marzo.
A asemblea, convocada polos tres sindicatos e celebrada a última hora de onte no local sindical da Coruña manifestou a sua repulsa pola brutal carga policial contra os compañeiros que reivindicaron o novo Convenio de Deportes no partido da selección galega de futbol sala o pasado sábado en Ferrol.
Este luns pola mañán se celebrará unha rolda de prensa conxunta para informar destos asuntos no local sindical da Coruña.

PROTESTA DIANTE DA SELECCIÓN DE FUTBOL SALA.

2008-03-01T16:59:00.000-08:00

Este venres 29 realizouse o primeiro acto de protesta contra a precariedade e explotación dos traballadores de instalacións deportivas reivindicando un convenio xusto no partido da selección galega de futbol sala.
O acto rematou cunha brutal carga policial contra os compañeiros que reivindicaban unhas relacións laborais mais xustas.

POR UN CONVENIO GALEGO DE DEPORTES

2008-02-14T16:58:00.000-08:00

O pasado 15 de novembro tivemos a primeira asemblea para conseguir un convenio galego de deportes e espectáculos no local de sindicatos da Coruña. Alí acordamos esixir un convenio que incluira 1.100 € de salario base con diversos complementos, o 70% de indefinidos/as, direito à subrogación, destinar o 33% da xornada à preparación de aulas, e outras melloras para superar a explotación reflectida no Convénio Estatal de Deportes.
Tras várias reunións, o 14 de febreiro os empresarios do sector incumpriron o acordado previamente con a Dirección Xeral de Deportes a respeito de criar unha asociación empresarial galega desde a que negociar o novo convénio.
Por todo isto comezamos as mobilizacións.